Feijóo coloca o galego na Lusofonia e reaparece Anxo Lorenzo

Anxo Lorenzo assegura que a Junta «nom prevê» modificar a toponímia oficial

Segunda, 19 Outubro 2009 07:30

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - Enquanto o povo galego tomou as ruas de Compostela reclamando umha maior presença da língua nacional em todos os âmbitos e protestava polas políticas regressivas, o presidente da Junta, Alberto Núñez Feijóo, fazia umhas surpreendentes declarações na última jornada da sua visita institucional a Londres.

Na capital do Reino Unido, Feijóo visitou o Centro Galego e salientou a «riqueza cultural» do nosso povo e apostou no trilingüismo como «a melhor opçom».

Ainda, o presidente da Junta destacou que a educaçom «comprometida» para a Galiza requer um ensino em galego, castelhano e inglês. Em declarações textuais recolhidas pola agência espanhola Europa Press, Feijóo defende que sejam estras três línguas, e nom outras, porque «quinhentos milhões de pessoas falam  inglês, 400 castelhano e 200 milhões pertencem ao mundo lusófono», o qual implica umha necessária vinculaçom do galego com a Lusofonia.

Reapariçom de Anxo Lorenzo

A jornada de ontem implicou também o regresso de Anxo Lorenzo à actualidade informativa. Depois de muitas semanas sem que se soubesse nada dele, o director-geral de Política Lingüística reaparecia para reconhecer o seu «respeito» pola manifestaçom nacional em prol do galego e para afirmar que a Junta «nom prevê» —mas tampouco descarta— modificar a Lei de Normalizaçom Lingüística no que atinge à toponímia oficial.

 

+ Ligações relacionadas: