PGL - O Magazine Cultural Galego da jornalista Montse Dopico recolhe na sua ediçom de anteontem umha completa crónica da turné de apresentações que na última semana de fevereiro tivérom lugar nas cidades de Lisboa e Braga. Dous dias para quatro encontros em universidades, livrarias e centros sociais. Umha viagem que a própria Dopico qualifica como "um bocado louca, na linha do livro".

Miguel R. Penas, presidente da AGAL exerceu como representante da Através|Editora nos atos, ele foi a pessoa que junto ao professor Carlos Quiroga e Marta Macias tivo a encomenda de transformar os relatos num volume que mostra os diferentes sotaques da nossa língua. Um relato policial que começa o próprio Quiroga partindo de um suposto (?) roubo do cránio de Castelao no Panteom de galegos ilustres.

Penas, Duarte, Quiroga e Cadaval na Ler Devagar de Lisboa | Foto: Pedro Teixeira

O próprio Quiroga e outro dos autores, Quico Cadaval, acompanhárom a Penas nos quatro eventos de apresentaçom: na Universidade Nova de Lisboa e na Livraria Ler Devagar em 25 de fevereiro e na Universidade do Minho e no Estaleiro Cultural em dia 27.

Pode-se ler a crónica completa no Magazine Cultural Galego, que também inclui um vídeo com umha das intervençoes de Cadaval, concretamente na universidade em Braga.