Galiza (e Portugal) manifestarám-se no domingo ao berro de «Nunca Mais»
Sexta, 29 Novembro 2013 09:08
Manifestaçom de Nunca Mais em Lisboa a 23 de fevereiro de 2003
M. E. - Domingo, dia 1 de dezembro, há convocadas em Galiza e Portugal manifestações para rejeitar a sentença do caso Prestige, que finalizou sem que ninguém fosse culpado da maior catástrofe ambiental da história galega.
A plataforma Nunca Mais convocou manifestações às 12 h —hora espanhola, oficial na Galiza— na Corunha (Casa do Mar), Foz (praça do Concelho), Lugo (edifício da Junta), Ourense (pavilhom dos Remédios), Ponte Vedra (praça da Ferreria), Vigo (praça dos Cavalos) e Santiago de Compostela (porta Faxeira). Aliás, haverá manifestaçom às 12h30 em Ferrol (praça do Inferninho), neste caso na seqüência de umha grande mobilizaçom comarcal em defesa do emprego, particularmente no setor naval e no comércio.
Já em Portugal, haverá manifestaçom no Porto, um grupo independente de cidadãos convocou umha mobilizaçom que arrancará às 11 h —hora local, coincidente com a hora oficial na Galiza— da praça da Liberdade. Consideram «vergonhoso» o resultado do juízo do caso Prestige, especialmente quando noutros casos similares as companhias implicadas tivérom de indenizar os países prejudicados.
+ Ligações relacionadas:
