PGL - Reproduzimos a seguir o texto enviado por um sócio da AGAL e leitor do Portal, Fiz Pousa, em que nos conta mais um caso de exclusom do galego por parte de umha empresa fornecedora de serviços. Ele, galego, é cliente da operadora telefónica Vodafone; porém, é atendido só em mau galego ou castelhano e acaba recebendo a fatura... em catalám!

No passado mês de agosto, Vodafone faturou-me de mais. O caso é que na minha casa tenho um contrato de banda larga mais telefone fixo, com umha oferta de preço único.

Apresentei umha queixa através do serviço de atendimento de Vodafone (123), onde quase sempre sou atendido em ‘galego’ (num galego mau). Demorárom em dar resposta ao problema mais de duas horas, passando dum departamento para outro, às vezes em ‘galego’ e outras  em castelhano, nom sabendo em que língua falar cada vez que passava de departamento...

Acho que todo o atendimento deveria ser sempre em galego, e tenho solicitado já várias vezes ser atendido na língua do país onde moro, isto é, galego. Porém, o serviço técnico responde sempre em castelhano. É que nom temos técnicos na Galiza?

Depois de falar e hablar —às vezes, em castelhano do Sul da Ámerica—, respondem que o problema já foi resolvido. Contodo, nom sei se foi definitivamente resolvido; vou aguardar até final de mês a ver se faturam corretamente ou volvem errar.

Esta fatura que exibo^[PDF] chegou ao meu endereço postal para informar de que será devolvida a quantidade faturada de mais. Pode-se comprovar que é umha «fatura retificativa». A surpresa foi que está... em catalám!! Estes de Vodafone nom sabem que na Galiza se fala e escreve em galego? O que temos que aturar!!

Fiz Pousa