PGL - Desde esta quinta e até o domingo, o CS o Pichel organiza diferentes atividades relacionadas com a figura do Apalpador, com o significado que este colectivo lhe da em relaçom ao consumismo das épocas de Natal e com a necessidade de autogestionar a cultura.

A quinta 20 às 20h15 apresentaçom do vídeo do apalpador dentro das Conversas sobre a autogestom cultural na qual interviram representantes de diferentes projectos autogestionados como a escola de ensino galego Semente, Patrimoniogalego.net, a Sociedade Antropológica galega ou a Gentalha do Pichel.

A sexta feira 21 de 19h00 a 21h00 realizará-se no CS O Pichel umha feira de troco de objectos de segunda mao (livros, brinquedos...) e de venda de roupa por parte de colectivos. Um modo de potenciar a reutilizaçom e reaproveitamento de bens fronte a dinámica consumista do sistema.

O sábado 22 às 18h00 chegará a Compostela mais um ano o Apalpador do CS da Gentalha, e passeará polas ruas para visitar as crianzinhas. Esse mesmo dia no local às 20h.30 as cantareiras da AC da Caniceira de Trives daram um concerto e às 21h30 será a ceia do Apalpador cujos bonos estam a venda por 10 euros no CS o Pichel. A noite continuará depois com um bingo cheo de sorpresas e umha sessom de discoteca.

As jornadas finalizaram o domingo às 18h00 com um obradoiro de dozes do apalpador a cargo dos reposteiros Juan Bouchet e Adrián Frade.

Clicar na imagem para ampliar