PGL – Hoje, dia 28, chega o Apalpador, o mágico carvoeiro vindo desde as montanhas do Courel, à praça Maior de Ginzo de Límia, sob o patrocínio do Centro Social Aguilhoar e a Ludoteca de Ginzo em colaboraçom com os colégios Rosalia de Castro e Sérgio Mascarenhas. Nos dias seguintes poderá ser visto polas ruas de Ourense, Ferrol e Lugo.

Desde as 18h00, todas e todos os nenos da comarca poderám esperar polo Apalpador, que repartirá castanhas e outros presentes. O gigante carvoeiro, que já visitou outros lugares como Santiago de Compostela, Vigo ou A Corunha, será acompanhado de música de gaitas. Ademais, haverá também jogos populares e um cortejo musical polo bairro velho da vila.

O Apalpador em Ourense

Recem-chegado das montanhas e carregado de castanhas e presentes, o Apalpador visitará a Esmorga na terça-feira dia 29 de Dezembro, para conhecer a todas as nenas e nenos que se acheguem por ali. A partir das 17h00 da tarde, o enigmático carboeiro amigo d@s nen@s, ensinará às crianças a fazer bolachas, e cartons de Natal. A festa será encerrada com umha deliciosa merenda com sabor a chocolate.

O Apalpador em Ferrol

No próximo dia 30 de Dezembro, o Apalpador poderá ser visto novamente polas ruas de Ferrol, repartindo castanhas e brinquedos entre as crianças, acompanhado de música de gaitas. O velho carvoeiro do Courel e a sua quadrilha de trasnos, convidados polo pessoal da AC Artábria, voltarám sair polas ruas do bairro de Esteiro.

O Apalpador em Lugo

No mesmo dia, e graças à colaboraçom do centro social Mádia Leva, as crianças luguesas poderám conhecer ao Apalpador, que visitará o local do colectivo por volta das 17h00 para logo sair em cortejo polo casco velho. O carvoeiro irá apalpar as barriguinhas das crianças por ver se estam bem mantidas e deixar-lhes umha presa de castanhas para que tenham fartura.

Ainda, há uns dias foi a própria Deputaçom provincial de Lugo, através da Vice-presidência primeira, a que também levou o Apalpador polas ruas da cidade da muralha.

+ Ligaçons relacionadas:

• Canal "O Apalpador" no PGL
• Pedem unificar a imagem do Apalpador [PGL, 10/12/2009]
• O Concelho de Santiago promove alargadamente a figura do Apalpador neste Natal [PGL, 05/12/2009]
• O Apalpador chega também à publicidade [PGL, 04/12/2009]
• Grande trabalho dos centros sociais para recuperarem o Apalpador [PGL, 20/12/2008]
• O Apalpador tornará-se realidade no Natal galego [PGL, 08/11/2008]
• A Gentalha do Pichel recupera o Apalpador, figura mítica do Natal Galego [Velho PGL, 27/12/2007]
• Polo Natal... Chega o Apalpador. Cartaz explicativo em PDF. Gentalha do Pichel, novembro de 2008
• José André Lôpez Gonçález. O Apalpador. Personagem mítico do Natal galego a resgate. Texto [em PDF] publicado polo PGL em 31 de dezembro de 2006
• Grupo do Facebook O Apalpador quer ser o teu amigo
• Material didáctico editado pola AC Foucelhas para enviar às escolas [em PDF]