Quinta-feira, palestra 'O renascer do Apalpador'

Participará o 'descobridor' do Apalpador, José André Lôpez Gonçález

Terça, 15 Dezembro 2009 09:47

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

O gigante carvoeiro será, mais um ano, protagonista do Natal galego

PGL - A associaçom cultural a Gentalha do Pichel programou para esta quinta-feira, dia 17 às 20h30 horas, umha palestra-debate ao redor da figura do Apalpador e na qual participará José André Lôpez Gonçález.

Como saberám, Lôpez Gonçález é o autor do primeiro estudo [PDF] publicado sobre esta figura do folclore popular galego, e a sua intervençom no Pichel significará a primeira vez que ele fale sobre esta questom em público no nosso país, e fará-o com umha palestra intitulada O renascer do Apalpador.

Da Gentalha do Pichel assinalam que com a organizaçom desta actividade visam «aprofundar num melhor conhecimento desta tradiçom», motivo polo qual contarám com a presença de Lôpez Gonçález, umha das pessoas que mais sabe da matéria.

Mas da associaçom compostelana indicam que também haverá lugar para «valorizar a situaçom actual» da tradiçom e a sua recente difusom fora do marco geográfico onde conseguira sobreviver e permanecer. Difusom que, em boa medida, é atribuível à actividade da Gentalha do Pichel, que há três anos começárom os trabalhos de recuperaçom do Apalpador, mas também ao de outras associaçons culturais do país, e que recentemente veu-se reforçada pola acçom dalgumhas Cámaras municipais como as de Santiago de Compostela ou a Corunha.


+ Ligaçons relacionadas: