PGL - Em 2006 um trabalho de José André Lôpez Gonçález, publicado polo PGL, resgatava do esquecimento o Apalpador. Agora, Dinahosting, umha empresa galega dedicada a serviços de internet, está a contribuir na recuperaçom desta personagem mítica da cultura popular galega graças à sua publicidade de Natal.

Desde que em 2006 o PGL divulgou o trabalho de investigaçom de José André Lôpez Gonçález sobre o gigante carvoeiro, diferentes associaçons e centros sociais de todo o país vinhérom trabalhar nos últimos anos para a recuperaçom desta figura praticamente esquecida do Natal galego.

De ano em ano foi-se convertendo em figura mais popular, começando timidamente a ser reconhecido por algumhas instituiçons. O exemplo mais recente disto temo-lo na cidade da Corunha, cuja Concelharia de Normalizaçom Lingüística realizou umha apresentaçom em sociedade do Apalpador.

Às associaçons e instituiçons soma-se agora também o mundo empresarial com esta primeira iniciativa de Dinahosting, que na sua campanha de Natal recorre ao Apalpador na versom para a Galiza do seu sítio web.

Captura de ecrám da página da Dinahosting

Mais contributos

Mais um ano, os centros sociais do país investirám esforços para recuperar a figura do ser mitológico do Natal galego. Assim, a AC Foucelhas de Ordes já anunciou umha campanha de divulgaçom e recuperaçom que possibilitará a visita do gigante carboeiro às escolas e unitárias da comarca de Ordes. Ademais, a associaçom editou material didáctico para repartir entre as crianças, e que inclui cantigas e desenhos relacionados com o Apalpador.

O Apalpador, desenho de Leandro Lamas

+ Ligaçons relacionadas:

• Polo Natal... Chega o Apalpador. Cartaz explicativo em PDF. Gentalha do Pichel, Novembro de 2008.
• José André Lôpez Gonçález. O Apalpador. Personagem mítico do Natal galego a resgate. Texto [em PDF] publicado polo PGL em 31 de Dezembro de 2006.
• Grupo do Facebook O Apalpador quer ser o teu amigo
• O Apalpador tornará-se realidade no Natal galego [PGL, 08/11/2008]
• Material didáctico editado pola AC Foucelhas para enviar às escolas [em PDF]