PGL - No dia 27 de janeiro milhares de pessoas mobilizárom-se em quinze cidades galegas contra a reforma das pensons, numha jornada com forte presença policial. O número 99 do Novas da Galiza analisa a fundo essa histórica jornada, salientando que foi um êxito para a CIG, principal central sindical convocante.

Na secçom Acontece o periódico soberanista ecoa a denúncia do Sindicato Labrego Galego a respeito do inventário encoberto que estaria a ser elaborado para privatizar a água; em Economia o jornal explica as chaves para a análise do pacto entre o Governo espanhol e agentes sociais.

No campo Internacional, a secçom A Terra Treme está virada para a queda das ditaduras árabes; a secçom Análise para o agro galego e o seu futuro decerscentista; e a Palestra para o debate sobre as medidas estabelecidas para proteger as pessoas nom fumadoras.

Além das informaçons que mantêm a info na hora e das habituais secçons como Cultura, Ciência, Saúde, Web ou Desportos, mais uma vez o periódico de informaçom crítica publica entrevistas em primeira mão de grande interesse. Desta vez, Suso Seixo da CIG, Mónica Alzate do Foro Galego da Imigraçom ou Xosé Araúxo dos Montes de Couso, respondem as perguntas do Novas da Galiza.

Mas a cousa nom fica por aqui. A respeito da língua, em destaque as entrevistas a Catarina Martins do Bloco de Esquerda, focada para o seu apoio à iniciativa do BNG a favor das televisons portuguesas na Galiza; e ao músico Servando Barreiro, que acaba de lançar ao mercado o seu novo trabalho discográfico sob a chancela de Através Editora.


Finalmente, opinam Teresa Moure, Mariano Ribeiro, Carlos Santiago, Roi Ribeira, José D. Cadaveira, além das colaborações habituais, como a do presidente da AGAL, Valentim R. Fagim.

Ainda, o suplemento A Revista atinge o número 30, com reportagens, opinions e criaçons assinadas por Carlos C. Varela ("O golo de Kempes que matou um patriota galego" e "A Galiza na luita pola independência das colónias portuguesas em África"), Alberto Momán ("Invernia") e Xurxo Chirro ("Ficçons sobre a 'Galicia' de Velo").

Clique em cima das imagens para ver as capas em tamanho grande

+ Ligaçons relacionadas:

• Novas da Galiza atualiza ortografia
• Canal 'Novas da Galiza' do PGL
• Números anteriores e mais informaçom
  
• Fazer-se assinante do Novas da Galiza