Novas da Galiza excluído novamente das ajudas aos meios escritos em galego
Último número entrevista Xurxo Souto e inclui reportagem sobre as relaçons do Zeca Afonso com a Galiza
Segunda, 31 Agosto 2009 00:00
O número 81 do Novas dedica a reportagem central aos Festivais do Verao
PGL - Segundo informa o último número do jornal soberanista, a Secretaria Geral de Meios rejeitou atribuir à empresa Minho Media SL, editora da publicaçom, ajudas «dirigidas a empresas que realizam publicaçons integramente em galego».
O pretexto aduzido pola Junta foi o facto de o jornal «nom estar escrito integramente em galego conforme a normativa oficial vigente, segundo informe da Secretaria Geral de Política Lingüística».
A redacçom do jornal explica que «a Junta volta a ignorar que nom existe nengumha lei que obrigue os cidadaos a usarem umha determinada norma lingüística, sendo a oficialidade da normativa pertinente só para o ensino e a Administraçom, que, curiosamente, desrespeita a sua norma lingüística em numerosas ocasions». Novas da Galiza lembra também que este jornal é dos poucos que se expressa «única e exclusivamente em galego» incluindo qualquer tipo de «inserçom publicitária».
O número 81 dedica a reportagem central aos Festivais do Verao, oferecendo um ponto de vista crítico sobre a deriva empresarial e institucional de muitos deles, convertidos em verdadeiras catedrais do consumismo desenfreado. Entre as entrevistas destaca a realizada a Xurxo Souto, que reflecte sobre as relaçons musicais com a Lusofonia no projecto radiofónico que dirigiu até há pouco: 'Aberto por Reformas'. O jornal também leva à capa umha análise sobre a crise que atravessam os meios informativos ligados ao BNG após a derrota eleitoral do bipartido.
Nas opinions, para além dos habituais Valentim R. Fagim, Nuno Gomes e Francesco Traficante, este número conta com Paula San Vicente, Gustavo Luca de Tena e Héitor Picallo. A Revista, suplemento mensal do Novas, volta a oferecer-nos, como em números anteriores, mais um percurso pola raia com Portugal.
+ Ligaçons relacionadas:
