PGL - O Concelho de Ferrol rende homenagem ao professor Ricardo Carvalho Calero no primeiro centenário do seu nascimento (Ferrol, 30 de Outubro de 1910) com umha série de actos agrupados nos próximos meses sob o título "Carvalho Calero, de Ferrol para o mundo".

Entre os actos estám confêrencias, obras teatrais escolares, exposiçons e a reediçom de duas das suas obras mais conhecidas, Epistolario a Fernández del Riego e Historia da Literatura Galega Contemporánea. Os exemplares repartirám-se entre os centros de ensino do município e as bibliotecas municipais. Umha exposiçom bibliográfica poderá ser visitada no centro cultural do Inferninho, que leva o nome do escritor, com documentos, manuscritos e paneis informativos sobre o autor.

A concelheira da Cultura de Ferrol, Mercedes Carbajales, foi a encarregada de apresentar este programa. Com estes actos o seu concelho quer recuperar a figura do pensador ferrolano com um ciclo de conferências sobre a sua vida na biblioteca municipal (10 e 11 de dezembro), que porá ênfase nos aspectos mais desconhecidos da sua biografia e o seu trabalho a favor da língua galega desde o reintegracionismo.

+ Ligaçons relacionadas:

• Ferrol homenagea Carvalho Calero no centenário de su nacimiento [ABC, 27/10/2010]
• A Minha Embala ganha o concurso Musicando Carvalho Calero com umha versom de 'Maria Silêncio' [PGL, 29/10/2010]
• Diversas entidades dedicam esta semana a Ricardo Carvalho Calero [PGL, 27/10/2010]
• Canal Carvalho Calero no PGL