17 temas a concurso no Musicando Carvalho Calero
No passado dia 20 finalizou o prazo para enviar mais propostas, e a dia 30 conhecer-se-á o veredito do júri · As e os internautas podem continuar a votar os temas preferidos
Sexta, 22 Outubro 2010 07:26
PGL - No passado dia 20 finalizou o prazo para enviar mais propostas ao Musicando Carvalho Calero. Desde que iniciou o concurso, há quase três meses, fôrom 17 as propostas que chegárom a este novidoso certame, organizado para 'sonorizar' a silenciada figura do ilustre galeguista.
No vindouro dia 30 de outubro, centésimo aniversário do nascimento de Ricardo Carvalho Calero, conhecer-se-á o nome do grupo ou solista ganhador, eleito baixo um sistema misto de votaçom popular via internet mais um tribunal integrado por pessoas vinculadas de umha ou outra maneira ao difícil mundo da música. Portanto, as e os internautas ainda podem votar os temas preferidos enquanto delibera o júri.
Da organizaçom, a Associaçom Galega da Língua (AGAL) em parceria com Komunikando, lembram que o prémio para o grupo ou solista ganhador será umha semana num estúdio profissional de música para gravar os temas que considere oportuno e três dias mais para as misturas e masterizaçom do disco. O disco incluirá o tema enviado ao concurso, e será editado com licença Creative Commons.
Últimos temas em chegar
Os últimos temas em chegar ao concurso fôrom duas versões d'A Orquestra Filarmónica de Osaka, realizadas respetivamente por A Foice e Os Amigos dos Músicos; Automóvel, de Tommy Gun; Luísa Sorriso, de The Tetas' Van; Afastado de Vénus, dos Milhomes; Eu protesto contra mim mesmo, das Avoas Filólogas; e Xadres sobor lençóis, de Intranxeira. Podem escuitá-los a seguir e votá-los na página do concurso.
Xadres sobor lençóis - Intranxeira
Eu protesto contra mim mesmo - As Avoas Filólogas
Afastado de Vénus - Milhomes
A Orquestra Filarmónica de Osaka - Os amigos dos músicos
Luísa Sorriso - The Tetas' Van
Automóvel - Tommy Gun
A Orquestra Filarmónica de Osaka - A Foice
+ Ligações relacionadas:
- 'Nom sei se matei', de Labazada, novo tema para o Musicando Carvalho Calero [PGL, 20/10/2010]
- Musicando Carvalho Calero: 'Nom sei se Matei', de Ruxe Ruxe [PGL, 17/10/2010]
- Musicando Carvalho Calero: 'Nom sei se Matei', de Alféizar [PGL, 15/09/2010]
- Canal Carvalho Calero no PGL
