'Nom sei se matei', de Labazada, novo tema para o Musicando Carvalho Calero
"Nom sei se matei", o poema mais versionado, com outras duas adaptaçons de Ruxe Ruxe e Alféizar
Quarta, 20 Outubro 2010 00:00
PGL - Labazada, um dos últimos grupos em participar no Musicando Carvalho Calero, protagoniza a terceira adaptaçom do grande poema Nom sei se Matei, até o momento o preferido polos grupos participantes.
O grupo Labazada criou-se 2006, e fam umha mestura de hardcore, metal e punk que, como eles próprios descrevem, "mais do que HardCore o que fazemos é HiperCore".
Acorde com esta descriçom os Labazada (Lola e Fosi às vozes, à guitarra Alberto, Tejo ao baixo e Chata à bateria) apresentam umha versom dura e com crua distorsom para reflectir a luita interna contida nos 32 versos, curtos, deste poema.
Nom sei se Matei - Labazada
O concurso
Musicando Carvalho Calero é umha homenagem musical ao insigne ferrolano organizada em parceria pola Associaçom Galega da Língua (AGAL), em parceria com Komunikando. Grupos musicais ou solistas escolhem um poema do ilustre galeguista para o musicar ou bem escolhem áudios do professor para realizarem samplers. Da AGAL e Komunikando defendem esta iniciativa polo silenciamento da figura de Carvalho Calero neste 2010, ano do seu centenário. Por tal motivo visam «sonorizá-lo».
Os grupos interessados em participar têm ao seu dispor as bases e outras informações no site http://musicandocarvalhocalero.komunikando.net/. O prazo para enviar as propostas finaliza em 20 de outubro, e dez dias depois conhecerá-se o nome do ganhador ou ganhadores.
Votaçom
Os grupos ou solistas ganhadores serám eleitos baixo um sistema misto de votaçom popular via Internet mais um tribunal integrado por pessoas vinculadas de umha ou outra maneira ao difícil mundo da música. Os nomes dos ganhadores e ganhadoras serám conhecidos no dia 30 de outubro, centésimo aniversário do nascimento de Carvalho Calero.
Prémio
O prémio para o grupo ou solista ganhador será umha semana num estúdio profissional de música para gravar os temas que considere oportuno e três dias mais para as misturas e masterizaçom do disco. O disco incluirá o tema enviado ao concurso, e será editado com licença Creative Commons.
+ Ligaçons relacionadas:
