PGL - O Conselho da Associaçom Galega da Língua (AGAL) quer parabenizar o novo presidente da Real Academia Galega, Xesús Alonso Montero, pessoa de quem quer salientar o seu reconhecido prestígio na cultura galega e o seu compromisso e ativismo culturais para a difusom da literatura galega.

Mais umha vez, a AGAL mostra-se disposta ao diálogo e a abrir vias de entendimento com a centenária instituiçom. Um exemplo está na iniciativa legislativa popular Valentim Paz-Andrade. Esta ILP, que logrou mais de 17.000 assinaturas, procura uma série de medidas que facilitem o acesso dos galegos e galegas ao universo de língua portuguesa e um maior relacionamento com a Lusofonia.

Entre as propostas do articulado aparecem a progressiva incorporaçom do português no ensino, o fomento da participaçom das instituições e empresas galegas nos foros económicos, culturais e desportivos lusófonos, a receçom aberta das televisões e rádios portuguesas e o reconhecimento desta competência lingüística para o acesso à funçom pública.

Precisamente, esta ILP arrancou no ano 2012, ano em que a RAG dediciu dedidar o Dia das Letras a Paz-Andrade. Para AGAL, foi «umha magnífica decisom», e lembra que o empresário e ensaista foi vice-presidente da Comissão Galega do Acordo Ortográfico da Língua Portuguesa, que possibilitou a participaçom da Galiza nas reuniões para o acordo ortográfico da língua portuguesa que decorreram no Rio de Janeiro (1986) e Lisboa (1990).

Por esta razom, o presidente da AGAL, Miguel Penas, solicita ao novo presidente da RAG, Alonso Montero, que umha das primeiras decisões que adopte à frente da instituiçom seja um apoio explícito a esta iniciativa.