O Modelo Lexical Galego e PGL_10, novidades Através

Início

AGAL

Através Editora

O Modelo Lexical Galego e PGL_10, novidades Através | Editora

Já disponíveis na loja Imperdível e nas livrarias do País

Sexta, 28 Dezembro 2012 09:42

PGL - Acabam de sair mais dous livros com a chancela editorial da AGAL. Da autoria da Comissom Linguística, o Modelo Lexical Galego tem como subtítulo um clarificador Fundamentos da Codificaçom Lexical do Galego-Português da Galiza e vem a ser o primeiro contributo específico e abrangente da CL neste campo. O trabalho foi feito sob a orientaçom científica de Carlos Garrido, presidente da CL, e autor da monografia Léxico Galego editado pola edições da Galiza em 2011.

Na primeira parte do manual recolhem-se umha série sistemática de regras que devem aplicar-se ao léxico galego e que se apresenta como um inventário analítico da degradaçom histórica do léxico galego e das estratégias mais eficazes para a combater. A segunda parte consta de quatro vocabulários que têm como alvo explicitar de forma prática e económica as unidades que fam parte do padrom lexical. Os dous primeiros compreendem unicamente aqueles elementos que som diferentes no padrom lexical definido no livro e no de Portugal resenhando as equivalências [acougo > sossego]. O vocabulário 3 centra-se nos dialetalismos galegos que nom pertenceriam ao padrom lexical galego como no caso de amencer (amanhecer), froito (fruto) ou fiestra (janela) O vocabulário número 4 centra-se nos diferencialismos espúrios como mulher prenhada (mulher gestante), rem (nada) ou já que logo (portanto).

Comprar na loja Imperdível

PGL_10 é umha homenagem ao Portal Galego da Língua nos seus primeiros 10 anos na rede. Trata-se de um trabalho coletivo que tenta homenagear todas as pessoas que nele se envolvêrom na primeira década de vida do PGL. A lista de agradecimentos seria enorme mas poderia-se resumir num único nome, o motor diésel do projeto, Vítor Manuel Lourenço Peres.

O trabalho, prefaciado polo diretor da área informática da AGAL, Vítor Manuel Lourenço Peres, está dividida em dez blocos: