Paralelos: Porto Rico/Galiza, por Maurício Castro Lopes
A palestra terá lugar na Fundaçom Caixa Galiza, sita no Cantom Grande da Corunha, às 20 horas
Segunda, 22 Março 2010 00:00
O professor Maurício Castro Lopes
PGL – Na quarta-feira, dia 24 de Março, o professor Maurício Castro Lopes, falará dentro do Ciclo, Literatura e Naçom organizado pola AC O Facho, da Corunha, sobre os paralelos existentes entre Porto Rico e a Galiza no que diz respeito da língua.
Maurício Castro Lopes nasceu em Ferrol, Galiza, no ano 1970. É licenciado em Filologia Galego-Portuguesa pola Universidade de Santiago de Compostela (USC), exercendo na atualidade a docência de português na Escola Oficial de Idiomas de Ferrol, após ter lecionado nas escolas oficiais de Badajoz (Estremadura), da Corunha e noutros pontos da Galiza durante a última década.
Porém, a sua relação com o idioma galego-português remonta à sua adesão militante desde a juventude, tendo participado em diferentes projetos de auto-organização em defesa dos direitos lingüísticos do povo galego. É autor ou co-autor de obras divulgativas como a História da Galiza em banda desenhada (1995), Manual de Iniciaçom à Língua Galega (1998), Manual Galego de Língua e Estilo (2007) ou Galiza Vencerá! (2009).
Presidiu o primeiro Centro Social reintegracionista em defesa do galego, aberto pola Fundaçom Artábria em Ferrol no ano 98. Posteriormente, em 2007, foi eleito membro da Comissom Lingüística da AGAL (Associaçom Galega da Língua), da qual continua a fazer parte. Tem colaborado ou colaboração publicações impressas como Abrente ou Agália, e com meios digitais como o PGL, Vieiros ou Gznacion, entre outros. Recentemente, tem participado na fundaçom do jornal digital de informaçom crítica Diário Liberdade.
Acto:
Dia: 24 de Fevereiro de 2010 - Hora: 20:00
Local: Fundaçom Caixa Galiza
Cantom Grande – Corunha
+ Ligaçons relacionadas:
- Blogue da AC O Facho
- Porto Rico e Galiza: dois casos práticos para aprendermos sociolinguística [PGL, 01/02/2010]
- Entrevista a Maurício Castro [PGL, 03/08/2009]
- Colectânea de artigos de Maurício Castro no Portal Galego da Língua
- Manual de Iniciaçom à Língua Galega em formato de fácil leitura [PGL, 08/11/2008]
- História da Galiza em banda desenhada (1995) [web de Artábria, 08/11/2008]
- Publica-se o Manual Galego de Língua e Estilo [Velho PGL, 27/11/2007]
- Maurício Castro: «O conhecimento e interesse polo reintegracionismo está hoje mais estendido socialmente» . [Velho PGL, 07/09/2006]
