A promoçom da língua berbere de Melilha terá despesa própria nos orçamentos espanhóis
Porém, nom se prevê a sua inclusom no ensino
Segunda, 09 Novembro 2009 00:00
Mapa do norte da África com distribuiçom de grupos berberes
PGL - A língua berbere em Melilha contará com umha despesa própria nos orçamentos gerais do Estado espanhol. Em total, 50 mil euros que se destinarám-se à divulgaçom da língua, mas nom ao sino nas escolas. A medida foi proposta pola Esquerra Republicana da Catalunha e aprovou-se com o consenso dos grupos parlamentares IU-ICV e PSOE.
Em Melilha, cidade no norte de África sob administraçom espanhola, aproximadamente 50% da populaçom fala berbere. O deputado da ERC, o valenciano Joan Tardà, foi a pessoa encarregada de defender a iniciativa, assegurando que se tratava de umha «demanda histórica» reclamada várias vezes por este partido desde 2004.
Porém, do perto de milhom de euros iniciais solicitados pola ERC, o PSOE só aceitou destinar 50 mil euros, umha drástica reduçom. Para Tardà a cifra é mísera, mas salientou o seu valor «simbólico», pois implica situar o berber «no mesmo nível que o catalám, o basco ou o galego» na medida em que o Estado espanhol reconhece a sua existência.
+ Fonte:
