Visita a tenda que a AGAL instalou no Festigal

De 24 a 25 de Julho haverá diferentes actividades lúdicas no espaço da Associaçom Galega da Língua

Sexta, 24 Julho 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Facebook Compartilhar no DoMelhor

AGAL e Sei o que nos Figestes... editam conjuntamente esta t-shirt, ideal para o concurso de air guitar

PGL - Pola vez primeira, a Associaçom Galega da Língua vai participar no Festigal com um espaço próprio. Nos perto de 25 m2 com que conta a tenda coberta instalada pola entidade reintegracionista haverá todo tipo de actividades lúdicas os dias 24 e 25 de Julho.

Nos dous dias do Festigal, as pessoas que se achegarem ao espaço da AGAL poderám aproveitar para conhecerem o PGL, o e-Estraviz, o Planeta NH e outras ferramentas electrónicas elaboradas pola associaçom. Também haverá à venda livros e umhas t-shirts muito heavyes (editadas em colaboraçom com Sei o que nos Figestes...). Ainda, as pessoas interessadas terám ao seu dispor cartões de associaçom à AGAL ou de subscriçom à revista Agália.

Ainda, a Associaçom Galega da Língua programou concursos e actividades lúdidas para os dous dias. No dia 24, de 18 a 20 horas, haverá concursos individuais ao Planeta NH com prémios para as pessoas ganhadoras. Durante todo o dia poderám também inscrever-se para um concurso de air guitar (em plena sintonia com a camisola heavy que lançamos) que na sua modalidade individual desenvolverá-se de 21 a 22 horas (novamente, com prémios para a pessoa ganhadora).

Já no sábado 25, Dia da Pátria, de 16 a 18 horas será o «Duelo Dicionário da RAG VS e-Estraviz». De 18-20 horas terá lugar a modalidade em equipas dos concursos do Planeta NH (lembrade: haverá prémios) e de 21 a 22 horas competirám em grupos as pessoas amantes do air guitar, havendo prémios para a equipa ganhadora.

Programa orientativo (os horários podem variar)

Sexta-feira, 24 de Julho

  • (Fora da tenda da AGAL) 17h15: apresentaçom do manual Do Ñ para o NH (no espaço da Galería das Ideas)
  • 18-20 horas: concursos Planeta NH (modalidade individual, haverá prémio)
  • 20-21 horas: treinos para o air guitar (para as pessoas que quigerem)
  • 21-22 horas: concurso air guitar (modalidade individual, haverá prémio)

Sábado, 25 de Julho

  • 16-18 horas: Duelo Dicionário da RAG VS e-Estraviz
  • 18-20 horas: concursos Planeta NH (modalidade em equipas, haverá prémio)
  • 20-21 horas: treinos para o air guitar (para as pessoas que quigerem)
  • 21-22 horas: concurso air guitar (modalidade em equipas, haverá prémio)

 

Apresentaçom

Por volta das 17h15 horas do dia 24, o presidente da Associaçom Galega da Língua, Valentim R. Fagim, apresentará o manual Do Ñ para o NH, livro editado pola AGAL Editora. O acto será apresentado por José Ramom Pichel no espaço da Galería das Ideas.

 

+ Ligações relacionadas:


+ Informações sobre o Festigal e o Dia da Pátria no PGL:


Voltar | Comentar nos Foros PGL